منتديات الشاعر وسام البصري
في ارجاء الكلمة العذبة وبين اركان الشعر والادب لا يسعنا الى ان نرحب بكم يا عشاق الكلمة الصادقة والباحثين عن العبارات الانيقة التي لا تصلح مقاسا لجهة دون اخرى , فمرحبا بكم في بيتكم الشعري .

وسام البصري



 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخولصورة فاصلةفيس بوكالقصائد الصوتية للشاعر وسام البصريمركز الطموح
حللتم اهلا ونزلتم سهلا في بيتكم الشعري وانتم صناع الادب
انه ذاك الباعك وما رد شراك ... وامنك بيد الزمن وسنينه .........اني عزرايين لو رادك لكاك .... ومنهو ضم روحه عله عزرايينه (صاحب الضويري )
اليرشح للنبوه يفوز .......  اذا عنده وصي يشبه علي
يدعوكم مركز الطموح الثقافي في العراق للتسجيل والانتماء اليه بفروعه الادبية والتمثيلية والاعلامية والفنية عن طريق الاتصال 07802302272 علما اننا ساعين لفتح فروع في كافة المحافظات العراقية .
صدر العدد الاول من نشرة الطموح الصادرة من مركز الطموح الثقافي في العراق للاشتراك الى المركز او النشرة الاتصال 07802302272

شاطر | 
 

 سبع ومضات للمبدع نوفل الصافي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشاعر النجفي
عضو جديد


عدد المساهمات : 8
الصفة : 0
تاريخ التسجيل : 05/03/2011

مُساهمةموضوع: سبع ومضات للمبدع نوفل الصافي   2011-03-05, 18:54

الجرح
الجرح رايدله شاعر ..
ايأشر اعله اهلال عيده
اومن يچل القلم بيده ايقط اصبعه..
ومايتاني الباچر ايكمل القصيده

2 ـ أحــلم ـ
گال أحلم...أحلم..
رطــّب جفنك العطشان واحلم
گتله أحلم كون ماأحلم بعـــــد
لأن ترطيب الجفن تهمه خطيره
وضد قناعات البلـــــــــــــــد



3 ـ روحـــــــــــــي ـ
روحي طيره من الجنوب
امفرفحه ابغابة طفوف
روحي أمّ اوتيّهت بزياره ابنها اونيّة الوادم رحيل
وشابحه العين وتطوف.
روحي لعّابه غفت بچفوف طفله..
من صَحَت مالگت أحد.. فقط نظرة رعب مليانه المكان
ومزرعة خوف اوخواطر تقره ملحمة الجفوف
يانهاري العشته آه..
وكاسريته ابليلي أوف
روحي من تضحك تخاف..
وره الضحكه طلابه خاف!!
وتبني من الخجل طوف
اشلون أضحك ؟
وآنه اشوفن غصن زيتون السلام
ابحلگ ضبّه من السيوف.




4 ـ شكرا ًـ


گال اذا تحتاجني مشكول ذمه اتمر عليه
اوهذا كارت..
الاسم: فاضل ابو اصيبع..
العنوان النجف .. معروف في كل مكان
المهنه: دفان..
گتله شكرا.. مثلي مايحتاج مثلك
لأن ميت من زمان!!



5 ـ شاعر شعب ـ
شاعر شعب ..
ومن يصيرالشعب شاعر..
آنه آكرملي الســـكوت
ومن يصير الشعب شارع..
كلمن ايدوسه اويفوت
آنه اشرفلي اموت.. وانفجر باّول قصيدة
اوأبلع السان السكوت!!



6 ـ وطن ـ
مليت ادور وطن..
يندهني من الصبح
يبتسم من ابتسم..
ويبچي لـَوَن انجرح
دورت ماحصلت..
قررت امشي عكس
منجل واحش بالعمر..
بلكت احصــــــل گبر
عالأقل إسمه وطن..
بي اگعد اوأستقر.



7ـ ياعراقي ـ


ياعراقي...
افرش اجناحك قريبه الشمس ماتبعد عليك
واروي غدران المحبه والحلم مابين اديك
ياعراقي..
بينك اوبين الشمس چفين حنطه..
طشها بوجوه التغشت گبل من تمر عليك .
ياعراقي آنه اعرفك ..
منجلك يلهث بديك..
وگاعك من اسنين تربي اعيونها الدربك عليك
ياعراقي.. النخله صوتك ..الفرات ودجله صوتك..
انطي صوتك للّي صوته ابيوم مازاود عليك
ياعراقي..آنه ماخايف غريب عليك
آنه خايف منك ايدور عليك
ياعراقي ..
سهم عاشور ابعدوك.. اوعيد المبارك عليك .
الرجوع الى أعلى الصفحة اذهب الى الأسفل
أزهر العامري
شاعر
شاعر


عدد المساهمات : 20
الصفة : 0
تاريخ التسجيل : 13/09/2010

مُساهمةموضوع: رد: سبع ومضات للمبدع نوفل الصافي   2012-05-30, 15:48

االله الله على الابداع
وفقك ربي
الرجوع الى أعلى الصفحة اذهب الى الأسفل
 
سبع ومضات للمبدع نوفل الصافي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشاعر وسام البصري :: المنتديات الادبية :: منتديات الشعر الشعبي :: منتدى الشعرا لمنقول-
انتقل الى: