سهام الشفايف

ناوي عليج بــس غفــــله الوكت من فات
واخذ بيده بطريقه الهـــيل ويـــــــه الياس
واجه وبــيده القـــلم بس رادج تكـــــولين
سد ســـويتي شفــتج والشــــــــرط تنباس
رميت سهام شفتج واجـــه الســــد يصيح
استســـــلم وابوســـك واطـــــرد الحراس
احـــط مقيــــاس رختـــر جوه رجلج دوم
متباهي بجمـــــالج واطــــــش بي علناس
لا تســــتغرب بكـــــــد ما ثكيـــــلة طيب
احس كل خطوه يعــطل ميت الف مقياس
رهيه خـصر طبعــــج مثل خصر السيف
لا يــــرضه بمــــــــذله واله يطخ الراس
ياخــــــــذ سيف حربـــج بالطبيعه ركاب
بس سـيفج تــــــرافه وبـي شويه احساس
اقدنلج قميصي من الــــــدبر بــــس كون
صوتج بيه يبقه ويــــرن بيه اجـــــــراس
ضلمه بلون عينج جــــــــنت احس دنياي
راويتـــــــيني سنّـــــج هــــدم بيه الساس
يلطولـــــــج خــــرافي وضحكتج مسقول
يلشعرج حريــــــر وانصـــــع من الماس
احد من خزر عينج حبـــــــج ويــه الغير
بس حجيج لكلبي مد اديـــــــــه وجــــاس
تتباهين جنـــــتي ابيــــــــن هـــــذا وذاك
وخذتج مـــلــك الــــــيه وهسـه ليه الداس