حضرة الخرسان

شاعــر ما اصير بحضرت الخرسان
بين حـلوﮒ خرسه شلون اوصل الهام
من اكـتب شعر ما حط عروس وتاج
من اكـــتب شعـــــر لازم اسطر ايتام
بدمعة كل يتيـم تـــشوف تـــل جروح
بدورة شيله صفره تشوف طبع اجدام
ولأن للجــام وﮔــفه ويــــانه ما ننساه
دره بالبيت يسمع طـــﮓ اذانه الجــام
تقارير وحقد من كـــل مهب وصوب
يكتبون الاســماء التوﮔـــفلهه اقــــلام
راوونـــه اليــــتيم شـــلون من يحتار
وبســــــد امنيـــــاته شـهدموله احلام
عربانـــــه دفـع ما ترضه تمشي وياه
وجوع العنــــــد اخيـــه الما يخله ينام
ينثرون المنايه ابيـــــن تــــاج وتــاج
و(الشارع الطولي) انشتل حقل الغـام
واحدناه اذا ما لاحه سوط المــــــوت
من شدة الرهــــبه محصل الاعــــدام
اللهم اجعل من بين ايديهم سدا ومن خلفهم سدا
ﭼـان الخوف يلـــعب بينه لعب اطفال
مثل ما هسه خوف بسد ﮔصصهم نام
ﭼـانوا بالنــــذاله اعـــــلام معــروفين
بكثر مـــــا عالشريعه تمزﮔـــة اعلام
شتترجــــــه بعد من الوصل بي حال
نزع ثوب الـــــحميه ولبس غيره لثام

سأخــمد من رؤوس البعث ناراً
لأيتامٍ غــدة للــــــــناسِ سيـــره
فقد ابصــترهم في الحقد شاخوا
فهل تُبـــــقى يـــدي لهم قصيره
تمادى الغدر فــي الارجاء حتى
عمالقة الزمـــان غــــــدة اسيره
لِلُرفع في سماء البعـــــث سيفا
نياح دمـــائه اســـــياد (حــيره)
فقــد حـــــولت قافيتي قـــريضا
لأرثـــي مــــن ثقــافتهم خطيره

يل زلـزال ﭼــنتوا بـساعة التحـﭼـون
لذلــــك حته (رختر) مـن سمعكم ﮔـام
تسترون الشجاعه بثـــوب الاطمئنان
وبمعــــجم خطبـــــكم ماكوا استسلام
جنتوا بكل مسيه تخرجــــون ابطــال
لذلك ما عرفتـــــوا بيــوم الاستفـــهام
لسه بسد صــــوركم خاتــله الحيطان
وسنـــون الدهـــــر ما خلتلـــنه ابهام
صوركم مو فقـــط بالــكـلب مرسومات
صوركم عل صـدر لازم نحطهه اوسام