خاﭽية الكرامة

موضوع: خاﭽية الكرامة 2010-02-02, 19:29

وجهت الشعر وتفـــوض الاحســــاس
الى من باﻟﮔلب اسمـــه بفـــخر ينقــش
الى من عالســواتــر بنـــه احلام جبال
جفلـــهه الســـواتــر واشــردت كلــش
يعرفهـــم زلــــم بالـشـــده نخوه وزود
واحـــدهــم بـلــــب الخــاثـر مفــتـــش
ما عدنـه الوﮔــﻊ وتـّانــي ربعـه ﻳﮔــوم
ولا بينـه البقه بحضـن الحرب يرعش
ولا بينه النفخ روحه علـه ربعه وجار
ومتـانيـــن يمــته من المنـــايــه يفــش
جــبناهه شكـثر ماصعد عدنـه الـسوﮒ
بعيون الرطـــب ما يزغـــر الكـشمش
ولا رحنه عكس والعـزه نـعـرف وين
وما دلــونه اهلــنه ﺒﭽــلمة المــامـــش
واحــدنـه لونــّـــك تعــــتنــي خطـــار
وي مــدة المنـــدر روحــه الك يفرش
حته بيوت اهلنه من يجيهه الضـــيف
ﮔبل دورت رحيهه تجهـــز الجـــارش
كرام احنه بشيمــنــه نضــــيف العناي
ﻟﭽن ما يوم ضيفنـــــه الســــوالف ﺇش
ﺤﭽﺎيــه طـــبعنــه ومــا نــزل لــسان
ولا عــــدنه البحـﭽـيـه يهمـش تهمش
ما نـنقل حـﭽـي مـــن هذا ﮔــال وذاك
وذا واحـد نجـــح بالـنقل صاحوا غش
ولا بينه طبع ننســــه اليــــدﮒ البــــاب
لو نطلع عليهـه ونطـــــــرد الطـــارش
ما بعنه الحمـيه بوكــت بيــه المــــوت
حط ركبه عـــــله ركبه وﮔـاعد يرمش
ولا عفنه العراق يصـيح لحظه الغوث
ومشكــبن احضــانه للــــيريد يطــــش
حته طيور اهلنه شمــا تـــروح بعيـــد
ما ترضــه علـــه غير اشجارنه تعشعش
حرمونه شكثر بــس كـــــل هذاك الضيم
مــــا لاح الكــرامه ولا ﮔـدر يخــــــدش
مملكتــه هشاشـــــــه وقلعتينه البــــــــوه
مو بالـجندي بالخـــــــوذه نـﮔـله الكـــــش
انكيدو سنـد خمبابــــه ســــــد المــــــاي
بس ما نـــــزل راســــه وطاح ﮔﻟﮔـامش
ما اعقل يظـل واﮔـــف بحســـرة مـــاي
اكو ﭽــف وفــــــــرات او وادم تعـطش
عـــــــراق سـلاح واﮔـف ضـد اليعادوك
واليــﮔـلك اضـــــرك ﮔلـــه بالــمشـــمش

موضوع: رد: خاﭽية الكرامة 2011-03-08, 03:33

صح لسانك

دام قلمك المفدى

تقبل مروري البسيط

» فدعة.. شاعرة الكرامة والألم..(الجزء الاول)