بعض قصائد عبد الحسين الحلفي

انته ياما الموت ناديته تعال
وهوه خايف ماكدر يدنه ليك

هذا مو دمك علي اعله السيف سال
هذا دم السيف ضل ينزف عليك

وحتى عدوانك علي بيوم النزال
ياهو منهم لو برز يتنخه بيك

استحه عزرائيل من دوّر عليك
قبض روحك وروحه طاحت بين اديك

جا غرك جا طاح لولاك الاسلام
وجفك وي الباب صارت كنطره

واحنه حب حيدر علي عدنه انواع
واحله نوع نصير خشبه بمنبره

هذا مو خدك علي اعله الكاع طاح
الكاع شالت روحها لخد حيدره

الكبر ضيكه واحنه نفرح من نموت
لأن كبة علي بصف المكبره
























ابوذيات لراحل عبد الحسين الحلفي




يعالي شنزلك لكاع ونصاك
انغلق باب الفرح فدنوب ونصاك
ون اعله المشو بسكون ونصاك
ومو بس اسمه ون وهاي هيه



صراير عشك روحي وكصرتلك
ونفس وكت المازع وكصرتلك
طويل واعلى منك وكصرتلك
حتى تلوح من تبوس اديه



اعله روحي شبيه تنشد مرشبيه
العشك مر بيه يسعر مرشبيه
انه التانيته ما مر مرشبيه
وكمت حسبالي هو شصار بيه


















يعجبني آلجرح لو لآكَـه شمّـآت يضم روحه بحيث يبين إلتم
وتعجبني آلسيوف بجف آلسبآع يحمرهآ آلخجل لو مآلكَت دم
إذآ إنت شفت لآ تكَول مآشوف تحجي العين إذآ لسآنك تلعثم
شوف آلفلح من تموت آلورود بغير ورود هيه تروح تشتم
بس شوف الورد لو مآت فلآح من تشمه تلكَه بعطره مأتم
شوف أصعب وجه تقرآه العيون لكن بالكَلب بس ألله يعلم
كَلب قزآز بس تسحكَه خسرآن إذآ هو إنكسر إنتَ إلتصب دم
إلحسب عقله يحب صدكَني يرتآح ..إلحسب قلبه يحب صدكَني يندم
لـ ذلك آنه أحب آدم أبو الكل بس ما أحب أبو التفاحة آدم
حسب عقلك يآ صآحب شوف كلشي
وأضربلك مثل عن كلشي وشلون
أكو يحجون من آلصبح لـ آلليل وحرآم إن جآن تفهم شنهي يحجون
وأكو سآكت وحلكَه مخيط إخيآط وحجيه شكَد حلو بنظرآت العيون
من أبزك بآلحجي لآ تزعل أرجووك .. إسمعني وكَول شكرآ كَول ممنون
الإبرة من تبز آلثوب يآ صآح قصدهه تخيط بـ شكَ آليشكَون
إلحسب عقله يحب صدكَني يرتآح ..إلحسب قلبه يحب صدكَني يندم
أذية آلبآب من ينفتح لـ آلريح بس شلون لو بآلسجن مفتوح..!
كلش مو حلوو قبـّآض الأروآح .. وحلو كون بعدوك يقبض آلروح
إبن آدم يضرب آللوح بـ بسآمير لكن من يموت يشآبكَه آللوح
أكو من آلفرح يبجي حيل مرتآح وأكو شآبع ضحك بس هوه مذبوح
أكو كلشي مآ يملك وعآش مرتآح وأكو يملك آلدنيه وعآش مسكين
أكو يعوفك سنين وكنه سآعآت وأكو يعوفك دقآيق جنهن سنين
أكو بآلكَبر بس مو موته عآشو وأكو مو بآلكَبر بس همه ميتين
أكو ميبآوسونك بس يحبوك أكو رب آلمبآوس بس شيآطين
أكو جفه إنكَطع بس موش عبآس وأكو يذبحه آلشمو بس موش آلحسين















أنا الحبيتهم چانوا بروفات
حتى أنت تظل مسك الختامي
عليك اطو طحت صاحي مو سكران
وانا أول محب سكران صاحي
دوام أهل المدارس وقت واحد
ودوامك بالگلب عصري وصباحي















بكلشي اقتنع حتى المو على البال
وحتى المايصير انه اقتنع صار
شي واحد ابد ما اقتنع بي
جنسيتك عراقي وتدخل النار