جفوف الذهب (النراكيل)

مشكور الحزن ماقصــــــر ويـــــاي
شيسوي الفـــــــرح يـــــــــم التماثيل
انه شاكــــل الذمـــــــه بريتي عن لا
تاخذ نفس راحــــــــــه وبالهوه تميل
الحمد لله زرعت بكـــــاعنه احساس
وشبعتنه واصــــــــــــــــدر للمقابيل
ابستان الصبح زارعــــــــلي فيروز
وعـله خدود المســــه زارع مواويل
وعــله وجوه الغرف زارع شهادات
جبتــــــهه بوكت بي رديت اساطيل
واحب امــــدح بروحي بكل الاحلام
لجن كلـــــــــمة الحكـ تـــــريد تعليل
اذا تدنـــــه لـــــــيه بثـــــوب عذراء
وتهز جذع فكري ينـــــــــزل انجيل
جبت ســطعش16شيبه من المعانات
بوكــــــــت بي جان يحلم يفتر الميل
وتخرجــــنه وحسبـــــنه نعمر بيوت
مـــــــــا حسبنه تتعمر نــــراكـــــيل
ويمتــــد بين لــــــوعه ولوعه دخان
وتنزل بين حســـــره وحسره سجيل
جمر النار بيهــــــــن يحرك الروس
وجمر صفناتــــهم بي حركوا الجيل
يحكمنــــــــي ابرهه واحلامي تعيين
شوكـــــــت كعبة صبرنه اطلّع الفيل
وارجــــع وانثر بكل ضحكه جكليت
واعلــــــــــك لافته (قد وله كشخيل)
واشيل مـن الجرح تمره بحضن نار
واخلــــي من الشعر تضوي القناديل
انه الماكصــرت ايدي ابحدة الشوف
ولا خلـــــــيت عيني اتصب تواسيل
ولـــــــــو جريت اذنهه خايف تروح
تــــــــزرع شوفهه بحضن الشناشيل
انــــــه بجفي ذهب بس ماكو شراي
يستثمرهـــــن ويــــــــــــربح مثاقيل